Meşələrdə ağacların qanunsuz kəsilməsi və daşınması hallarının qarşısının tam alınması məqsədilə Qəbələ Regional Meşə Təsərrüfatı Mərkəzinin əməkdaşları tərəfindən reyd keçirilib.
Ekologiya və Təbii Sərvətlər Nazirliyinin (ETSN) mətbuat xidmətindən Yeniavaz.com-a verilən məlumata görə, reyd zamanı Qəbələ rayonunun Bum meşəbəyliyinin 6 saylı dolayında gecə saat 3-4 radələrində iki “URAL” markalı dövlət nömrə nişanı olmayan avtomobillər saxlanılıb.
Avtomobillərin yük yerində qanunsuz yolla əldə edilmiş 12 m3 həcmində işlik fısdıq cinsli meşə materialı aşkar edilib və sənədləşmə işləri aparılıb.
Qanun pozucuları barəsində qanunamüvafiq tədbirlərin görülməsi məqsədilə toplanmış materiallar rayon hüquq-mühafizə orqanına göndəriləcək.
Tətbiqimizi yükləyə bilərsiniz
