Bakıda avtomobil dirəyə çırpılıb, xilasetmə qüvvələri yardıma gəlib

Bakıda yol qəzası baş verib.

Yeniavaz.com-un Fövqəladə Hallar Nazirliyinin (FHN) saytına istinadən verdiyi xəbərə görə, Bakının Qaradağ rayonunda “Opel” markalı minik avtomobili dirəyə çırpılıb.

Qəza zamanı minik avtomobilində olan 2 nəfər (sürücü və sərnişin) xəsarət alıb və nəqliyyat vasitəsində köməksiz vəziyyətdə qalıblar. Nazirliyin Xüsusi Riskli Xilasetmə Xidmətinin müvafiq xilasetmə qüvvələri yaralıları müvafiq qaydada minik avtomobilindən çıxararaq aidiyyəti üzrə təhvil veriblər.