226 yaşı olan bu quruma ilk dəfə qadın rəhbərlik edəcək

226 illik tarixi olan Nyu-York fond birjasına ilk dəfə olaraq qadın rəhbərlik edəcək.

Yeniavaz.com-un TASS agentliyinə istinadən verdiyi məlumata görə, Steysi Kanningem bu maliyyə qurumunun prezidenti vəzifəsini icra edəcək.

Mayın 25-də o bu postda Tomas Ferlini əvəzləyəcək və Nyu-York fond birjasının 67-ci prezidenti olacaq.

S. Kenningem bunadək Nyu-York fond birjasının da tərkibinə daxil olduğu NYSE Group şirkətinin baş müdiri vəzifəsini tutub.

Qeyd edək ki, Nyu-York fond birjası 1792-ci ildə təsis edilib.