Goranboy rayonunda ölümlə nəticələnən yol nəqliyyat hadisəsi baş verib.
Yeniavaz.com-un APA-ya istinadən xəbərinə görə, Xan Qərvənd kəndinə gedən yolda “Niva” və “Toyota Land Cruiser” markalı avtomobillərin toqquşması nəticəsində 3 nəfər ölüb, 4 nəfər xəsarət alıb.
Dünyasını dəyişənlər Ağdam rayon sakini, 1960-cı il təvəllüdlü Quliyev Füzuli Şura oğlu, onun həyat yoldaşı, 1963-cü il təvəllüdlü Quliyeva Cəmilə Sovet qızı və Goranboy rayon sakini Süleymanov Əli Süleyman oğludur.
Xəsarət alan 4 nəfər isə Goranboy rayon Mərkəzi Xəstəxanasına çatdırılıb.
Yaralananlar arasında üç uşaq var, onların vəziyyəti normaldır.
Goranboyda baş verən ağır yol nəqliyyat qəzasının səbəbi məlum olub.
DİN-nin mətbuat xidmətinin qərb regional qrupunun baş inspektoru Eşqin Qasımovun APA-nın qərb bürosuna verdiyi məlumata görə, ekspertiza müayinəsi zamanı məlum olub ki, qəzaya səbəb “Toyota Land Cruiser” markalı avtomobilin sürücüsü, 1960-cı il təvəllüdlü Füzuli Qasımovun sükan arxasında infarkt keçirməsi olub. Sürücü avtomobilə idarəetməni itirərək yolun qarşı tərəfinə çıxıb və “Niva” ilə toqquşub.
Ciddi xəsarət almayan F. Qasımov xəstəxanada həyat yoldaşının və digər avtomobildə olan bir nəfərində öldüyünü eşidərək ürək tutmasından orada keçinib.
Faktla bağlı Goranboy rayon Polis Şöbəsində araşdırma aparılır.
Tətbiqimizi yükləyə bilərsiniz
