ABŞ-ın Qüdsdə səfirlik açacağı dəqiq tarix

ABŞ-ın Qüdsdəki səfirliyi mayın 14-də açılacaq.

Yeniavaz.com-un “Kommersant” qəzetinə istinadən verdiyi məlumata görə, bunu İsrailin Rusiyadakı səfirliyinin press-attaşesi Aleks Qandler deyib.

Onun sözlərinə görə, ABŞ-ın Qüdsdəki səfirliyi mayın 14-də, İsrailin müstəqillik günündə açılacaq. Diplomat mərasimdə çox vacib qonaqların iştirak edəcəyinin gözlənildiyini qeyd edib.

Xatırladaq ki, ABŞ Prezidenti Donald Tramp ötən il dekabrın 6-da Qüdsü İsrailin paytaxtı kimi tanımaq barədə qərar qəbul edib.