Bir hissəsi çürüyən pomidorları atmayıb maraq üçün əkən şəxs 2 həftə sonra gözlərinə inanmayıb. Yeniavaz.com xarici KİV-ə istinadən xəbər verir ki, həmin şəxs pomidoru dilimlərə bölərək vedrəyə yığdığı torpağın üstünə düzüb. Daha sonra dilimlərin üstünü torpaqla örtüb.
Apardığı təcrübənin nəticəsini başqalarına sübut etmək üçün həmin şəxs bu prosesi fotoyaddaşa da köçürüb. Daha sonra pomidoru əkdiyi torpağı davamlı şəkildə 7-14 gün ərzində sulayıb. İlk günlər heç bir cücərti olmadığından əziyyətinin boşa gedəcəyini düşünüb, lakin bir müddət sonra pomidor cücərməyə başlayıb. Tələf olmasınlar deyə daha çox böyüyənləri götürüb başqa bir qabda əkib.
Həmin şəxs bildirib ki, bu üsulla evlərin balkonunda da pomidor yetişdirmək mümkündür.
İş prosesini əks etdirən fotoları təqdim edirik.
Tətbiqimizi yükləyə bilərsiniz
