Tanınmış jurnalist Günel Gözəlova sosial şəbəkədəki səhifəsində paytaxtın Yasamal rayonunun böyük bir hissəsinə suyun verilmədiyini bildirib. Yeniavaz.com xəbər verir ki, Günel Gözəlova martın 30-dan etibarən Yasamalda eyni vəziyyətin davam etdiyini qeyd edib: "Qəza var, həll edirik dedilər. Yaxşı, bir həftədir bir qəzanın öhdəsindən gələ bilmirmi "Azərsu" ASC?"
Martın 30-dan bəri Yasamalın bir hissəsinin susuz qalması barədə edilən paylaşım maraqla qarşılanıb. Söhbət yüzlərlə ailənin 8 gün susuz qalması iddialarından gedirsə, əlbəttə, buna biganə qalmaq olmaz.
Odur ki, məsələ ilə bağlı Yeniavaz.com saytı "Azərsu" ASC-nin mətbuat xidməti ilə əlaqə saxlayıb. Xidmətdən bildirilib ki, qəza ilə bağlı Yasamalda suyun verilməsində problem olub, amma bunlar aradan qaldırılıb: "2 xəttə qəza olmuşdu, təmir işləri aparıldı. Bu barədə elan da vermişdik. Amma martın 30-dan bəri su verilməməsi barədə fikirlər doğru deyil, həqiqəti əks etdirmir".
Tətbiqimizi yükləyə bilərsiniz
