2012-ci il 5 oktyabrda orta məktəblərdə hicab məhdudiyyətinin ləğv edilməsi tələbilə həbs olunan şəxslərdən 3 nəfər; Tərlan Ağadadasov, Rövşən Allahverdiyev və İlham Hətəmov bu gün azad olunublar.
Onlar bu gün saxlanıldıqları cəza çəkmə müəssisələrində 5 il 6 ay həbs müddəti bitdikdən sonra buraxılıblar. Yeniavaz.com xəbər verir ki, islamazeri.com-a münasibət bildirən Tərlan Ağadadaşov “Bizim kimi digər ruhani və dindar qardaşlarımız, bütün nahaqqdan həbs olunanların azad olunmasını Allahdan diləyirəm. Bu günə qədər bizlərə mənəvi, maddi dəstək verənlərə təşəkkürümü bildirirəm. Hazırda Biləcəridəki evimdəyəm, gəl-get edən qohum tanışları qarşılayırıq. Mən “Tubzon”dan, Rövşən Allahverdiyev və İlham Hətəmov da, həbsdə olduqları CÇM-lərindən buraxılıblar. Oktyabr aksiyasında bizimlə birlikdə həbs olunan 3 nəfər həbsdə qalıb. İnşallah Allah onların da qapısını açsın.”, -deyə bildirib.
5 oktyabr 2012-ci ildə keçirilən hicab qadağasına etiraz aksiyasında həbs olunan 3 nəfər; Davud Kərimov, Telman Şirəliyev və Elşad Rzayev 6 ay sonra azad olunacaqlar.
Qeyd edək ki, Ali Məhkəmə hakim Əli Seyfəliyevin sədrliyi ilə "Kanal 13" İnternet televiziyasının icraçı direktoru, 6 il azadlıqdan məhrum edilmiş jurnalist Əziz Orucovun da azadlığa buraxılması barədə qərar qəbul edib. Əziz Orucov azadlığa buraxılıb.
Tətbiqimizi yükləyə bilərsiniz
