"Azərbaycanın bütün dindarları qarşıdan gələn prezident seçkilərində layiqli iştirak edəcək".
Bunu Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə deyib.
O qeyd edib ki, Azərbaycanda hər bir vətəndaş kimi dindarlar da seçkilərdə fəal olmalıdır: "Biz 11 aprel seçkilərində iştirak etməliyik və dövlətçiliyimiz naminə çalışmalıyıq. İnanıram ki, dindarlar seçimlərini edib və kimə səs verəcəyini müəyyən edib. Bu gün azərbaycançılığın inkişafı hər bir insanın və o cümlədən dindarların borcudur". Report