Azərbaycanda həkimlərin ürək əməliyyatı etməyin riskli olduğunu dedikləri və 2 ay vaxt qoyduqları 50 yaşlı azərbaycanlı Rəsmiyyə Vəliyeva Türkiyədə müvəffəqiyyətlə əməliyyat olunaraq sağalamlığına qovuşub.
Anadolu Agentliyi xəbər verir ki, o, bu barədə özü məlumat verib.
Ərzincan Mengücek Qazi Təhsil və Araşdırma Xəstəxanasında əməliyyat olunan 50 yaşlı azərbaycanlı vəziyyətinin yaxşı olduğunu bildirib:
"Türkiyədəki tanışlarımız vasitəsilə ürəyimin anjiyosunu Dr. Alper Onka göndərdik. Sonra özü bizi Türkiyəyə dəvət etdi. Dəvəti üzrə Ərzincana gəldim və əməliyyat olundum. Əməliyyat çox gözəl keçdi və sağlamlığıma qovuşdum. Ölümün bir addımlığından məni türkiyəli həkimlər xilas etdi".
R.Vəliyevanın bacısı Şəlalə Əhmədova isə, "Azərbaycanda qalsaydıq bəlkə də onu itirmişdik", deyib.qaynarinfo