Çavuşoğlu: İraqa 5 milyard dollar kredit verəcəyik

Türkiyə İraqın yenidən qurulması üçün rəsmi Bağdada 5 milyard dollar məbləğində kredit verəcək.

Yeniavaz.com-un “Anadolu” agentliyinə istinadən verdiyi məlumata görə, bunu Türkiyənin xarici işlər naziri Mövlud Çavuşoğlu Küveytdə keçirilən İraqın Yenidən Bərpası Beynəlxalq Konfransda deyib.

Onun sözlərinə görə, Türkiyə 2004-cü ildən bəri İraqa 500 milyon dollar civarında humanitar və inkişaf yardımı edib: “Firmalarımızın üzərinə götürdüyü layihələrin və tamamladığı layihələrin dəyəri isə təqribən 25 milyard dollardır”.