Bakının Xətai rayonunda yerləşən “Şərur” MTK tərəfindən tikilmiş çoxmərtəbəli binalarda su verilişi ilə bağlı problem yaranıb. Sakinlərin verdiyi məlumata görə, MTK-nın Xudu Məmmədov küçəsində yerləşən yeni tikililərində su nasoslarının sıradan çıxması səbəbi ilə 1 həftədir su verilişi dayandırılıb. “Azərsu” ASC-dən bildirilib ki, həmin əraziyə suyun verilişində fasilə yaranmayıb, problem MTK ərazisində quraşdırılmış su nasoslarından qaynaqlanır.
"Şərur" MTK-nın sədri, iş adamı İsfəndiyar Axundov isə məsuliyyəti şirkətinin üzərindən atıb. İ.Axundov bildirib ki, binadakı su təminatını həyata keçirmək öhdəliyi onun şirkətinin üzərində deyil. Report