Tehran polisi hicabın geyilməsinə qarşı keçirilən etirazlarda iştrak edən 29 qadını saxlayıb.
Yeniavaz.com-un “Rosbalt” agentliyinə istinadən verdiyi məlumata görə, saxlanmaya səbəb kimi ictimai asayişin pozulması göstərilir.
İranın Baş prokuroru Məhəmməd Cəfər Müntəzəri bildirib ki, keçirilmiş etirazlar “infantil”dir.
O hesab edir ki, etirazlar xaricdən təhrik edilir.
Qadınların etirazı 2017-ci ilin mayında qadın jurnalist Məsih Əlinejadın müəllifi olduğu “ağ çərşənbələr” kampaniyası çərçivəsində yanvarın 31-də keçirilib.
Jurnalist qadınları ağ rəngli hicab geyinməyə və ya başıaçıq gəlməyə çağırıb.
1979-cu ildə İran inqilabından sonra ölkədə qadınlar üçün baş örtüyünün geyinilməsi məcburi hal alıb.
Tətbiqimizi yükləyə bilərsiniz
