Rusiyalı müxalif siyasətçi Aleksey Navalnının tərəfdarlarının ötən gün keçirdikləri “seçicilərin tətilləri” etiraz aksiyalarında ümumilikdə 266 şəxs saxlanılıb.
Yeniavaz.com-un “Kommersant” qəzetinə istinadən verdiyi xəbərə görə, bu barədə Rusiya Daxili İşlər Nazirliyinin məlumatında deyilir.
Bildirilir ki, 16 şəhərdə keçirilmiş aksiyalarda saxlanılanlar sonradan buraxılıb: “Polis əməkdaşları məhkəmələrə göndəriləcək inzibati xətalar haqqında 175 protokol tərtib edib”.
“OVD-İnfo” müstəqil hüquq media layihəsi isə Rusiya üzrə 350 etirazçının saxlandığını iddia edir.
“Seçicilərin tətilləri”nin iştirakçıları A. Navalnının martın 18-də keçiriləcək prezident seçkilərinə buraxılmamasına etiraz ediblər.
A. Navalnının özü saxlandıqdan sonra tezliklə buraxılıb.