İstanbulun Atatürk hava limanında külli miqdarda porsuq xəzini Türkiyəyə qaçaqmalçılıq yolu ilə keçirməyə cəhd edən azərbaycanlı ər-arvad saxlanılıb. Atatürk hava limanının gömrük xidməti əməkdaşları Ukraynanın Odessa şəhərindən gələn Azərbaycan vətəndaşı Ş.A.-nın və ərinin hərəkətlərindən şübhələnib. Gömrük əməkdaşları onları izləməyə başlayıb və aerportun Xarici Xətlər Terminalında saxlayıb. Onların yükünə baxış keçirilərkən vakkum paketlərə qablaşdırılmış halda 200 ədəd porsuq xəzi aşkar edilib. Aşkar edilən xəzin bazar qiymətinin 45 min TL-dən çox olduğu bildirilir. Azərbaycanlı ər-arvadın barəsində müvafiq tədbirlər görülüb, qaçaqmal müsadirə olunub.
virtualaz.org
Tətbiqimizi yükləyə bilərsiniz
