“D Liqasında aşkar favorit yoxdur. Lakin dörd komanda - Azərbaycan, Makedoniya, Belarus və Gürcüstan kağız üzərində güclüdür”. Bunu UEFA Millətlər Liqasında Azərbaycan millisi ilə eyni liqada yer alan Lüksemburq yığmasının baş məşqçisi Lyuk Holts deyib. 49 yaşlı mütəxəssis bildirib ki, sözügedən 4 kollektiv peşəkar futbolçulara malikdir: “Bu yığmalar peşəkar futbolçularla rəqabət aparırlar. Lakin bizdə elə deyil. Buna rəğmən, qrup qalibi olmağa can atacağıq”.
Qeyd edək ki, D Liqasında mübarizə aparacaq Azərbaycan millisi Malta, Kosovo və Farer adaları yığmaları ilə birgə III qrupda yer alıb. Lüksemburq yığması isə Belarus, Moldova və San Marino kollektivləri ilə II qrupa düşüb.Report