"Qarabağ"ın direktoru: "Qarabağ həqiqətlərini dünyaya başa salsanız, o zaman “ezik” olmaqdan qurtula bilərsiniz"

"Qarabağ"ın direktoru Əmrah Çəlikəl Türkiyənin “Sabah” qəzetində dərc olunan köşə yazısına sərt reaksiya verib.

“Yeniavaz.com” xəbər verir ki, o sosial şəbəkədə bildirib ki, ən böyük fağırlıq Azərbaycan və Qarabağın uğurlarına dəstək olmamaqdır:

“Əgər mənəviyyatdan xəbəriniz olsaydı, belə səviyyəsiz köşə yazıb özünü gülünc vəziyyətə salmazdınız. Bir türk qəzeti olaraq Qarabağ həqiqətlərini Avropaya və dünyaya başa salsanız, o zaman “ezik” olmaqdan qurtula bilərsiniz. Tərtəmiz qəlblərlə və əllərlə yazılmış “Qarabağ” adı bizim üçün müqəddəsdir. O hərfləri yazan təmiz əllər var olsun”.

Qeyd edək ki, “Sabah” qəzetində dərc olunan yazı saytdan çıxarılıb.