Türkiyə hökuməti Ankara ilə Vaşinqton arasında münasibətlərin pisləşməsi səbəbindən Rusiyanın qadınlardan ibarət “Nadejda” basketbol komandasının iki amerikalı üzvünün İstanbula girişinə qadağa qoyub.
“Yeniavaz.com”un TASS-a istinadən verdiyi məlumata görə, amerikalı basketbolçular Emma Keonn və Brionna Consun Türkiyəyə girişi qadağan edilib. Orenburq vilayətini təmsil edən “Nadejda” komandası oktyabrın 11-də İstanbulun “Fənərbağça” klubu ilə Avroliqanın start matçına çıxacaq.
Xatırladaq ki, ABŞ oktyabrın 8-də Türkiyə ərazisindəki bütün diplomatik missiyalarda qeyri-miqrasiya vizalarının verilməsini dayandırıb. Ötən həftə ABŞ-ın İstanbuldakı baş konsulluğunun əməkdaşı Metin Topuz həbs olunduqdan sonra bu cür qərar verilib. M. Topuz konstitusiyanı pozmaqda və Türkiyə hökumətini devirmək cəhdində ittiham olunur.
Tətbiqimizi yükləyə bilərsiniz
