Rusiyada bir aydan az müddət ərzində bomba təhlükəsi barədə yalan məlumatlara görə azı 950 min nəfər təxliyə edilib.
“Yeniavaz.com”un “Komsomolskaya pravda” qəzetinə istinadən verdiyi məlumata görə, bu il sentyabrın 11-dən oktyabrın 9-dək ümumilikdə “telefon terrorçuları” 2300-dən çox anonim zəng ediblər. 144 şəhərdə ticarət mərkəzləri, məktəblər, vağzallar, aeroportlar, kinoteatrlar, gecə klubları və dövlət hakimiyyət orqanlarının binalarının da olduğu 2300-dən çox obyektdə bomba qoyulması barədə anonim zənglər daxil olub. Binalarda partlayıcı qurğuların qoyulması barədə heç bir məlumat təsdiqini tapmayıb.
Xatırladaq ki, xaricdə yaşayan 4 rusiyalının yalan zəngləri təşkil etdiyi müəyyən edilib. Hazırda xüsusi xidmət orqanları onların axtarışı ilə məşğul olur.
Tətbiqimizi yükləyə bilərsiniz
