Beyin ilə bağırsaqlar arasında bağlantı var. Araşdırmaçılar bağırsaqlara "vücudun ikinci beyni" deyilir. "Yeniavaz.com" saytının Türkiyə KİV-nə istinadən məlumatına görə, həkimlər bildirirlər ki, yeyilən qidalarla xoşbəxtlik hormonu sayılan serotonin arasında əlaqənin olması insanın gündəlik əhvali-ruhiyyəsinə təsir edir.
Dietoloq Bengi Çetiner bildirir ki, sağlam beyin üçün sağlam bağırsaq sisteminin olması lazımdır. Onun sözlərinə görə, serotonin çatışmazlığı olanda insan depressiyada və yorğun olur.
Banan
Meyvələr içində tərkibində ən çox serotonin olan banandır. Kalium və B vitaminləri sayəsində enerji verir. Gündəlik əhvali-ruhiyyənizi 1 banan ilə müsbətə yönləndirə bilərsiniz.
Çiyələk
C vitamini ilə zəngin olan çiyələk də orqanizmdə serotonini artırır. Mövsüm vaxtı hər gün 6-8 ədəd çiyələk yemək faydalıdır.
Süd, kefir
Gündə 1 stəkan süd və ya kefir içmək serotonini artırır və insanı rahatlaşdırır.
Balıq
Balıq "Omega 3" sayəsində serotonin hormonunu artıraraq insanın özünü daha yaxşı hiss etməsinə şərait yaradır. Ayda ən azı 7-8 dəfə (1-i mütləq yağlı olmalıdır) balıq yeyərək əhvalınızın müsbətə doğru dəyişməsinə şərait yaratmalısınız.
Şokolad
Gündəlik 1-2 "plitka" şokolad yemək orqanizmə psixoloji rahatlıq baxımından çox faydalıdır.
Makaron, noxud, bulğur
B vitamini ilə zəngin olan bulğur, noxud, makaron və buğda xoşbəxtlik hormonu yaradan qidalar hesab olunurlar.
Qoz, badam, fındıq
E vitamini ilə zəngin olan fındıq, qoz, badam kimi meyvələr sinir sisteminin fəaliyyətinin normallaşmasına, sinirin sakitləşməsinə kömək edir. Gündə bir ovuc bu meyvələrdən yemək çox faydalı olar.
Hazırladı: Nicat
Tətbiqimizi yükləyə bilərsiniz
