Hindistanın hərbi helikopteri Çinlə sərhəddə qəzaya düşüb: 7 ölü

Hindistan Hərbi Hava Qüvvələrinə məxsus Mi-17 helikopteri qəzaya uğrayıb.

“Yeniavaz.com”un “İnterfaks” agentliyinə istinadən verdiyi məlumata görə, insident ölkənin şimal-şərqində, Hindistan-Çin sərhədində patrul zamanı baş verib. Helikopterin Arunaçal-Pradeş bölgəsində qəzaya uğraması nəticəsində göyərtədə olan yeddi nəfər həlak olub. Qəzanın səbəbi barədə məlumat verilmir.