
Sabah DÇ-2018-in seçmə mərhələsində Azərbaycan öz meydanında Çexiyanı qəbul edəcək.
Matçdan öncə Çexiya yığmasının futbolçusu Marek Suxi jurnalistlər önünə çıxıb:
- Sabah millimizin kapitanı Rəşad Sadıqovun vida matçıdıe. Oyunçularımız görüşə əlavə motivasiya ilə çıxacaq. Bu, sizi narahat etmir?
- Bu bizim üçün əlavə stimuldur. Rəşadı təbrik edirik. Ona çox hörmət edirik ki, bu səviyyəyə çatıb. Amma bizim də əsas məqsədimiz qalib gəlməkdir.
- Siz Azərbaycan millisi haqda nə bilirsiniz?
- Komandanız haqda yaxşı məlumatımız var. Özümüzü yaxşı tərəfdən göstərmək istəyirik. Rəqibə hörmət edirik. Sabahkı matçda xallarmızın sayını artırmağa çalışacağıq.
- Ölkə mətbuatınıza açıqlamalarınızda tez-tez qeyd edilir ki, Çexiyada Azərbaycanı uda bilməməyiniz sizi DÇ-dən kənarda qoydu. Bakıya qisas hissi ilə gəlmisiniz?
- Düzdü, biz həmin oyunda xal itirdik və mundialdan kənar qaldıq. Amma bizim üçün Çexiya forması geyinmək fəxrdir. Qisas hissi ilə gəlməmişik. Əsas odur ki, xallarımızın sayını artıraq.
- Artıq hər iki komandanın şansı yoxdur. Siz bu matça necə hazırlaşmısınız?
- Məqsədimizə çata bilməsək də, hər oyuna maksimum hazırlaşırıq. İnsan gərək aldığı zərbədən ayağa qalxa bilsin.
- Azərbaycanla matçdan çəkinmirsiniz?
- Hər oyuna təmiz, aydın başla yanaşırıq. Heç nədən qorxmuruq və belə də matça hazırlaşmışıq.
- Müdafiə xətti haqda nə deyə bilərsiniz?
- Məşq üçün vaxtımız az olub. Buna baxmayaraq, maksimum bütün diqqətimizi müdafiəyə və oyunun təşkilinə yönəldəcəyik.
qafqazinfo
Tətbiqimizi yükləyə bilərsiniz