Gürcüstan parlamenti növbədənkənar iclasında böyük səs çoxluğu ilə üçüncü, yekun oxunuşda parlament idarə üsuluna keçidi nəzərdə tutan ölkə konstitusiyasına dəyişiklikləri qəbul edib. “Yeniavaz.com”un RİA Novosti-yə istinadən verdiyi məlumata görə, düzəlişlərin lehinə 117, əleyhinə isə 2 depuatat səs verib. Gürcüstan Prezidenti Georgi Marqvelaşvili konstitusiyanın yeni variantını dəstəkləmir. Bundan başqa, ölkə parlamentindəki üç müxalifət partiyasından ikisi prosesdə iştirakdan imtina edib. Bunlar “Vahid milli hərəkat” və “Avropa Gürcüstanı – azadlıq uğrunda hərəkat” partiyalarıdır. “Gürcüstan vətənpərvərlərinin alyansı” partiyasının deputatları isə düzəlişlərin əleyhinə səs veriblər.