İki ay ərzində İŞİD terror qruplaşması məhv ediləcək.
“Yeniavaz.com”un “Yeni Akit” qəzetinə istinadən verdiyi məlumata görə, bunu İranın İslam İnqilabı Keşikçiləri Korpusunun tərkibindəki “Qüds” xüsusi təyinatlı qüvvələrin komandanı general-mayor Qasım Süleymani deyib. O bildirib: “Mən üç ay ərzində İŞİD-in yox ediləcəyini əvvəlcədən söyləmişdim və hazırda sizə bildirirəm ki, İŞİD-in məhv edilməsinə az qalıb, bu şərin yox edilməsini iki aydan sonra qeyd edəcəyik”.
Q. Süleymani qeyd edib ki, düşmənlər bunun şiə-sünni savaşı olduğu görüntüsünü yaratmağa çalışıblar: “Ancaq hazırda şiələr və sünnilər arasında həmişəkindən daha çox mehribançılıq var. Bu gün İraq, Əfqanıstan və Pakistandan gələn hər kəs müqəddəs türbələri qorumaq üçün könüllü gəlib”.