Gürcüstanın keçmiş Prezidenti, Odessa vilayətinin sabiq qubernatoru Mixail Saakaşvili bəyan edib ki, Ukrayna ilə sərhəddə avtobusda özünün Ukrayna pasportunu qoyub, sonra isə polis gələrək pasportu oğurlayıb.
“Yeniavaz.com”un RİA Novosti-yə istinadən verdiyi məlumata görə, o qeyd edib ki, Polşa sərhədini qanuni Ukrayna sənədi ilə keçib, polşalılar onu ştamplayıblar, sonra isə qanunun tələb etdiyi kimi ukraynalılara tərəf gəlib. O diqqətə çatdırıb: “İnsanlar əllərində məni Ukraynaya keçirəndə pasportu avtobusda qoydum. Polis gələrək avtobusu axtarıb və pasportumu oğurlayıb”. M. Saakaşvili əlavə edib ki, hazırda onun pasportu hüquq-mühafizə əməkdaşlarındadır. Bununla belə, o, Ukrayna sərhədini zorla keçməsi insidenti ilə bağlı özünü cinayətkar hesab etmir.
Xatırladaq ki, Ukrayna vətəndaşlığından məhrum edilmiş M. Saakaşvili sentyabrın 10-da “Şeqini” buraxılış məntəqəsində tərəfdarlarının köməkliyilə sərhədçilərin və hüquq-mühafizə əməkdaşlarının kordununu yararaq Ukrayna ərazisinə keçib.