Ukrayna prezidenti Petro Poroşenko vətəndaşlıqdan çıxarılan Odessa vilayətinin keçmiş qubernatoru Mixail Saakaşvili və tərəfdarlarının Ukrayna-Polşa sərhədində yaratdığı insidentə münasibət bildirib. Ukrayna KİV-i xəbər verir ki, prezident baş verənləri cinayət adlandırıb. Belə ki, dövlət sərhədinin toxunulmazlığı konstitusiya prinsipləri pozulub: “Bu məsələ dövlətlərin milli təhlükəsizliyidir və mənə maraqlı deyil dövlət sərhədini kim pozur – şərqdəki döyüşçülər, yoxsa qərbdəki siyasətçilər. Tamamilə dəqiq və hüquqi məsuliyyət olmalıdır. Fikrimcə, bu insident heç bir siyasi şərh tələb etmir. Biz bu məsələni ancaq hüquqi müstəvidə şərh etməliyik və edəcəyik”.Qafqazinfo.az