Dörd güləşçimiz dünya çempionatında finala yüksəlib

Yunanıstanın paytaxtı Afinada yeniyetmə güləşçilərin Dünya çempionatı davam edir. Beşinci yarış günündə 42, 50, 58, 69 və 85 kq çəki dərəcələrində sərbəst güləşçilər mübarizəyə qoşulub. Güləşçilərimizdən dördü finala vəsiqə qazanıb.

42 kq çəkidə mübarizə aparan Əlihəsən Əmirli ardıcıl olaraq ABŞ, Qazaxıstan və Yaponiyadan olan rəqibləri ilə görüşləri vaxtından əvvəl və tam üstünlüklə məğlub edərək finala yüksəlib. Güləşçimiz keçirdiyi görüşlərdə rəqiblərindən 33 xal alsa da, heç bir rəqibinə xal verməyib. Həlledici görüşdə Əlihəsən Əmirli Özbəkistan idmançısı ilə qarşılaşacaq.

50 kq çəki dərəcəsində güləşçimiz Mahir Məmmədzadə də bütün rəqiblərini məğlub edərək finala yüksəlib. Finala qədər o, Əlcəzair, ABŞ, Qazaxıstan və Almaniya idmançılarını mübarizədən kənarlaşdırıb. Son görüşdə Mahir Məmmədzadənin rəqibi Rusiya idmançısı olacaq.

58 kq çəkidə yarışan Turan Bayramov da bütün rəqiblərini tam üstünlüklə məğlub edib və finala vəsiqə qazanıb. Ardıcıl olaraq Qazaxıstan, İran, Türkiyə və Qırğızıstan təmsilçilərini məğlub edən güləşçimiz rəqiblərindən ümumilikdə 37 xal alıb və heç birinə xal verməyib. Final görüşündə Turan Bayramov Yaponiya idmançısı ilə qarşılaşacaq.

69 kq çəki dərəcəsində təmsilçimiz Davud İbahimov Yaponiya, Ukrayna və İran idmançıları ilə qarşılaşıb. Qarşılaşdığı bütün rəqiblərindən üstün olmağı bacaran güləşçimiz finala vəsiqə qazanıb. Həlledici görüşdə Davud İbrahimovun rəqibi ABŞ təmsilçisi olacaq.

Final görüşləri Bakı vaxtı ilə 9 sentyabr saat 19:00-da başlayacaq.

42 kq
FİNAL - Əlihəsən Əmirli - Umidjon Jalolov (UZB)
1/2 final - Əlihəsən Əmirli - Kaisei Tanabe (JPN) 11:0 (1.43 dəq)
1/4 final - Kudaibergen Murat (KAZ) - Əlihəsən Əmirli 0:11 (2.45 dəq)
1/8 final - Nikolas Skinner (USA) - Əlihəsən Əmirli 0:11 (1.36 dəq)

50 kq
FİNAL - Fedor Boltuev (RUS) - Mahir Məmmədzadə
1/2 final - Mahir Məmmədzadə - Niklas Steckele (GER) 6:2
1/4 final - Akbar Kurbanov (KAZ) - Mahir Məmmədzadə 8:14
1/8 final - Mahir Məmmədzadə - Julian Michael Tagg (USA) 9:8
1/16 final - Mohamed Al Amine Lakel (ALG) - Mahir Məmmədzadə 5:15

58 kq
FİNAL - Ryuto Sakaki (JPN) - Turan Bayramov
1/2 final - Talgat Tinçtikbekov (KGZ) - Turan Bayramov 0:10 (2.08 dəq)
1/4 final - Turan Bayramov - Cavit Acar (TUR) 10:0
1/8 final - Morteza Avaz Poormortozavi (İRİ) - Turan Bayramov 0:10
1/16 final - Turan Bayramov - Didar Nuraxmet (KAZ) 7:0

69 kq
FİNAL - Davud İbrahimov - Villiam Francis Levan Jr (USA)
1/2 final - Davud İbrahimov - Mohammad Aşgar Noxodilarimi (İRİ) 4:1
1/4 final - Davud İbrahimov - Mixailo Xrab (UKR) 12:2
1/8 final - Davud İbrahimov - Masaki Sato (JPN) 7:0

85 kq
1/4 final - Muxammadrasul Raximov (UZB) - Fuad Mayılov
1/8 final - Batmagnai Enxtuvşin (MGL) - Fuad Mayılov 7:9