"Aİ-98 super" markalı benzinin qiymətlərindəki artım istehlak bazarında malların dəyərinə təsir göstərməyəcək.
Bunu Tarif (Qiymət) Şurasından deyiblər.
Şura bildirir ki, Azərbaycanda bu növ benzinin istehlakı minimal səviyyədədir: "Bu benzin "lüks" klass avtomobillərdə istifadə edilir. Ona görə də, "Aİ-98" benzinində qiymət artımının bazara təsiri barədə danışmaq qeyri-ciddidir".
Tarif (Qiymət) Şurası həmçinin qeyd edir ki, bu benzinin qiyməti dövlət tərəfindən tənzimlənmir: "Bu marka benzin Azərbaycana gətirilir, ona görə qiymətlər dövlət tərəfindən tənzimlənmir".
Qeyd edək ki, bu gün "Aİ-98 super" benzininin litri 1,2 manatdan 1,3 manata bahalaşıb.
Qiymət artımına səbəb bu benzinin Azərbaycan gətirildiyi ölkədə, yəni Rumıniyada bahalaşması göstərilir.trend