Netanyahu: İran Suriya və Livanda raket istehsalı üzrə obyektlər tikir

İsrailin Baş naziri Benyamin Netanyahu Tehranı Suriya və Livanda yüksəkdəqiqlikli idarə olunan raketlərin istehsalı üzrə obyektlər tikməkdə ittiham edib.

“Yeniavaz.com”un TASS-a istinadən verdiyi məlumata görə, o bu bəyanatla Qüdsdə BMT-nin baş katibi Antonio Qutyerreş ilə danışıqlara başlamazdan əvvəl çıxış edib. Baş nazirin sözlərinə görə, İran elan etdiyi hədəfinə - İsrailin məhv edilməsinə - çatmaq məqsədilə hərbi cəhətdən möhkəmlənmək üçün Suriyanı baza kimi istifadə etməyə çalışır: “Bu məqsədlə o, Suriya və eləcə də Livanda yüksəkdəqiqlikli idarə olunan raketlərin istehsalı üçün obyektlər tikir”. B. Netanyahu qeyd edib ki, İsrail bunu qəbul edə bilməz, ABŞ bunu qəbul etməməlidir.