“Terror təşkilatları ilə apardığımız mübarizənin hamısı istiqlal və gələcək naminə savaşın nəticələridir”.
“Yeniavaz.com”un “Türkiye” qəzetinə istinadən verdiyi məlumata görə, bunu Türkiyə Prezidenti Rəcəb Tayyib Ərdoğan deyib.
Onun sözlərinə görə, Türkiyənin Suriya və İraq sərhədləri boyunca formalaşdırılmağa çalışılan terror dövlətlərinin məqsədi də budur: “Məruz qaldığımız üstüörtülü ambarqoların də səbəbi budur”.
R. T. Ərdoğan Avropa ölkələrinə Koroğlunun qoşmasından iki bənd söyləməklə cavab vermək istədiyini qeyd edib: “Mərd dayanar, namərd qaçar. Meydan gumbul-gumbul gumbuldayar. Şahlar şahı divan açar. Divan gumbul-gumbul gumbuldayar. Ox atılar qalasından, Haqq saxlasın bəlasından, Koroğlunun nərəsindən hər yan gumbul-gumbul gumbuldayar. Əcdadlarımızdan aldığımız ilhamla biz də səsimizin çatdığı ən yüksək tonla ürəkdən deyirik ki, bacara bilməyəcəksiniz. Millətimizi bölə, bayrağımızı endirə, azanlarımnızı susdura, vətənimizi parçalaya və dövlətimizi yıxa bilməyəcəksiniz”.