Xalq artisti, Bakı Bələdiyyə Teatrının direktoru Amaliya Pənahova Kino Günü ilə bağlı keçirilən tədbirdə iştirak edib. Tanınmış aktrisa bu dəfə fərqli imici ilə görənləri təəccübləndirib. Bir müddət öncə qara və uzun saç düzümündə olan xalq artisti bu dəfə stilini dəyişərək, saçlarını qısa kəsdirib və qırmızı rəngə boyayıb. Onun üzündə estetik əməliyyat etdirməsi də diqqətdən yayınmayıb. 72 yaşlı aktrisa yeni görünüşündən danışıb: “Səhnə adamı həm də estetik görünüşü ilə tamaşaçının gözünü oxşamalıdır. Ümumiyyətlə, qadın daim baxımlı olmalıdır. Mən də çalışıram tamaşaçılarımın gözündə hər zaman gözəl görünüm”. Qeyd edək ki, A.Pənahova çox sayda estetik əməliyyat etdirən və imicini tez-tez dəyişən aktrisalardan biridir. yenicag.az
Tətbiqimizi yükləyə bilərsiniz
