Əfqanıstan təhlükəsizlik qüvvələrinin əməkdaşları paytaxt Kabildə İraq səfirliyinə hücum edən bütün silahlıları məhv ediblər.
“Yeniavaz.com”un TASS-a istinadən verdiyi məlumata görə, bunu Əfqanıstan Daxili İşlər Nazirliyindən deyiblər.
Nazirlikdən bildiriblər ki, səfirlik kompleksinin terrorçulardan təmizlənməsi əməliyyatı başa çatıb: “Hücumda dörd silahlı iştirak edib, onlardan biri səfirliyin girişində partlayış törədən intiharçı-terrorçu olub. Terrorçularla toqquşma dörd saatdan çox davam edib”.
Xatırladaq ki, səfirliyin önündə törədilmiş partlayışda iki əfqan mühafizəçi həlak olub. Hücuma görə məsuliyyəti İŞİD terror qruplaşması üzərinə götürüb.