Azərbaycan torpaq ehtiyatları ilə az təmin olunub, ölkə əhalinin hər bir nəfərinə 0,18 ha əkin sahəsi düşür. Bunu Bakıda keçirilən "Azərbaycanda torpaq idarəçiliyində kadastr coğrafi informasiya məlumatlarından istifadənin elmi -praktiki əsasları" elmi -praktiki konfransda çıxışı zamanı Azərbaycan Milli Elmlər Akademiyasının prezidenti Akif Əlizadə bildirib.
"MDB ölkələrində bu göstərici 0,81 ha təşkil edir. Azərbaycanda əkin sahəsi respublikanın ümumi ərazinin 20%-ni təşkil edir. Məsələn, Ukraynada bu göstərici 80% təşkil edir. Biz torpaq ehtiyatlarımızdan maksimum səmərəli şəkildə istifadə etməliyik",- deyə A.Əlizadə qeyd edib. report