2015-ci ildən başlayaraq, müəllimlərin diaqnostik qiymətləndirilməsi prosesi həyata keçirilir. Ayrı-ayrılıqda bölgələr üzrə ümumtəhsil müəssisələrində çalışan müəllimlərin bilik və bacarıqları imtahan edilir. 2016-cı ilin sonunda respublikanın 26 şəhər və rayonunda çalışan müəllimlərin diaqnostik qiymətləndirilməsi aparılıb. 36 min nəfər müəllim qiymətləndirmədə iştirak edib. Bu proses zamanı bir sıra müəllimlərin təhsil sənədinin dövlət nümunəli olmadığı aşkar edilib.
Və həmin müəllimlər diaqnostik qiymətləndirilməyə buraxılmayıblar. Digər bir məqam müəllimlərin işə qəbulunun yalnız müsabiqə yolu ilə həyata keçirilməsidir ki, bununla da Təhsil Nazirliyi müsabiqədənkənar işə qəbul halları da aşkarlanıb.
Təhsil Nazirliyindən verilən cavabda diaqnostik qiymətləndirilməyə buraxılmayan müəllimlərin sayı açıqlanmasa da, belə pedaqoqların az olmadığı qeyd edilib. “2016-cı ilin sonunda respublikanın 26 şəhər və rayonunda çalışan müəllimlərin diaqnostik qiymətləndirilməsi aparılarkən müəllimlərin təhsil sənədləri tərəfimizdən yoxlanılıb. Və bir sıra müəllimlərin təhsil sənədinin dövlət nümunəli olmadığı aşkar edilib. Həmçinin, müəllimlərin işə qəbulu yalnız müsabiqə yolu ilə həyata keçirilir. Təhsil Nazirliyi müsabiqədənkənar işə qəbul halları ilə mübarizə aparır və belə hallar aşkar olunduqda nazirlik tərəfindən tədbirlər həyata keçirilir”,-nazirlikdən bildirilib.
Xatırladaq ki, bir neçə ay bundan əvvəl bəzi bölgələrdə keçirilən diaqnostik imtahandan sonra müəllimlərin müəyyən faizinin sıfır bal toplaması ilə bağlı məlumat paylaşılmışdı. Təbii ki, bu, rəsmi mənbə deyildi, imtahana nəzarət edən şəxslərdən biri belə bir məlumat yaymışdı və böyük rezenans doğurdu. Amma nazirlik tərəfindən təsdiq olunmadı. Lakin bir neçə gün əvvəl diaqnostik imtahan nəticələri ilə bağlı müəllimlərin nəticələrinin yaxşı olmadığı və onların əmək müqavilələrinə xitam verilməsi barədə məlumat yaydılar.
Bununla bərabər böyük sayda orta məktəbdə çalışan işçilərin sənədlərinin saxta olduğu ortaya çıxdı və onlar bu imtahanlara buraxılmadı. Müəllimlərin sonuncu diaqnostik imtahanında xeyli sayda müəllim sıfır nəticə göstərib. Hətta, imtahanda iştirak edən 120 mindən çox müəllimin 10 minə qədərinin ixtisası üzrə 10 faizə qədər nəticə əldə etməsi barədə məlumatlar var. Goranboy rayon məktəblərinin birində çalışan müəllim diaqnostik qiymətləndirmədə sıfır nəticə göstərdiyini etiraf edib.
Bu, onu deməyə əsas verir ki, heç də gələcəyimiz olan uşqlarımızı etibarlı əllərə həvalə etməmişik. Biliyi, savadı dərs demək qabiliyyəti sıfır olan müəllim təhsilimizə hansı töhfələri verə bilər?! modern.az
Tətbiqimizi yükləyə bilərsiniz
