Qoşunların təmas xəttində Ermənistan ordusu itkilər verməkdə davam edir. Belə ki, bu gün səhər yerli vaxtla 7.20-də qoşunların təmas xəttində baş verən atışmada erməni hərbçi öldürülüb. "Yeniavaz.com"un "panarmenian.net"ə istinadən verdiyi məlumata görə Azərbaycan tərəfindən açılan atəş nəticəsində 1996-cı ildə anadan olan əsgər Karen Saribekoviç Danielyan ölümcül güllə yarası alıb. Xatırladaq ki, bundan əvvəl Azərbaycan ordusunun açdığı atəş nəticəsində Ermənistan silahlı qüvvələrinə məxsus "OSA" zenit-raket kompleksi 5 nəfər heyəti ilə məhv edilmişdi. Bu ilin aprelin 28-də isə qoşunların təmas xəttinin cənub hissəsində hərbi qulluqçu Mqer Arzumanyan öldürülmüşdü.
Tətbiqimizi yükləyə bilərsiniz
