"Qanunların təbliğində bələdiyyə gənclərinin rolu'' adlı layihəyə start verilib. "Yeniavaz.com" saytına verilən xəbərə görə, ''Qanunların təbliğində bələdiyyə gənclərinin rolu'' adlı layihə Gənclər və İdman Nazirliyinin maliyyə dəstəyi ilə həyata keçiriləcək. İcra müddəti 3 ay nəzərdə tutulan layihədə 16-29 yaş həddində olan gənclər iştirak edəcəklər. "Qanunların təbliğində bələdiyyə gənclərinin rolu'' layihəsinin əsas məqsədi yeni qəbul olunmuş qanunlarla bağlı əhalinin məlumatlandırılması sahəsində gənc bələdiyyə üzvlərinin rolunun artırılması, həmin gənclərin maarifləndirilməsidir. Layihə müddətində gənc bələdiyyə üzvlərinə hüquqi maarifləndirmə ilə bağlı kitabçalar və bukletlər paylanılacaq.
Tətbiqimizi yükləyə bilərsiniz
