Türkiyədə edam cəzasının bərpa edilməsinin lehinə təbliğat kampaniyasının Almaniyada aparılmasına icazə verilməyəcək. “Yeniavaz.com”un RİA Novosti-yə istinadən verdiyi məlumata görə, bunu Almaniya Kansleri Angela Merkel deyib. Onun sözlərinə görə, türk siyasətçilərindən müvafiq sorğu daxil olarsa, buna qadağa qoyulacaq: “Bu cür çıxışların edilməsi üzrə konkret sorğular hələ daxil olmayıb. Lakin bu məsələ qaldırılarsa, Almaniya rədd edəcək. Aydın vurğulmaq lazımdır ki, tamamilə qəbul etmədyimiz məsələlərin müzakirəsinə Almaniyada icazə verilməyəcək”.