Yerətrafı orbiti ən çox çirkləndirən ölkə

2017-ci ildə Yerətrafı orbitdə kosmik tullantıların sayı təqribən 500 obyekt artıb, bunlardan 298-i ABŞ-a məxsusdur. “Yeniavaz.com”un TASS-a istinadən verdiyi məlumata görə, bu barədə NASA-nın rüblük hesabatında deyilir. Hesabatda qeyd edilir ki, 2017-ci il yanvarın 4-dən aprelin 4-dək Yerətrafı orbitdə 471 yeni obyekt peyda olub. Hazırda onların ümumi sayə 18347 ədəd təşkil edir, bunlardan 4434-ü fəaliyyətdə olan və sıradan çıxmış peykdir, 13913-ü raket pillələri, kosmik texnikanın qalıqları və sürətyığan bloklardır. NASA-nın məlumatına görə, ən çox kosmik tullantı Rusiyaya məxsusdur (6501 obyekt, bunun 155-i yenidir). Bu göstərici üzrə ikinci yeri ABŞ tutur (6017 obyekt, bunun 298-i yenidir). Çin ilk üçlüyü tamamlayır. Bu ölkəyə məxsus kosmik tullantıların sayı 3806-dan 3801-dək azalıb. Digər ölkələr Yerətrafı orbitin çirklənməsinə praktiki olaraq təsir etməyiblər. Fransaya 532, Yaponiyaya 256, Hindistana 192, Avropa Kosmik Agentliyinə 134, digər ölkələrə isə 914 obyekt məxsusdur.