Fransada erməni terrorçu Soqomon Teyleryanın adına yeni meydan açılacaq. "Yeniavaz.com"-un 1in.am-a istinadən verdiyi məlumata görə, Marsel şəhəri merinin razılığı və Fransadakı erməni lobbisinin maliyyəsi ilə qondarma erməni soyqırımının 102-ci illiyi terrorçu Soqomon Teyleryanın adın açılan meydanla qeyd ediləcək. Tədbirdə Marsel şəhər meri Jan-Klod- Qoden, Eks-an-Provans kommunasının rəhbəri İv Moren, həmçinin erməni icması və ermənipərəst xadimlərin iştirak edəcəyi gözlənilir. Xatırladaq ki, Soqomon Teyleryan 1921-ci ildə Berlində Mehmet Tələt Paşanı öldürmüş və bunu ondan ermənilərin qisasını almaq məqsədi ilə etdiyini bildirmişdi. Almaniya məhkəməsi isə ermənilərin təzyiqləri altında Teyleryanı günahsız hesab edərək azadlığa buraxmışdı.