Biləsuvar Gömrük İdarəsinin "Qoşa Təpə" gömrük postunda İrandan Azərbaycana piyada gələn Azərbaycan vətəndaşı saxlanılıb və üzərində şəxsi yoxlama aparılıb.
Dövlət Gömrük Komitəsindən verilən xəbərə görə, yoxlama zamanı vətəndaşın şalvarının cibində 3 ədəd "Metadon" adlı həb aşkar olunub.
Xatırladaq ki, "Metadon" "Azərbaycan Respublikasının ərazisində dövriyyəsi məhdudlaşdırılan narkotik vasitələr"in II Siyahısına daxildir və aşkar olunan 3 ədəd həbdə "Metadon"un təsiredici maddəsinin ümumi miqdarı 0,12 qram təşkil edib.report