Erməni hərbçilər qəzaya uğrayıblar

Ermənistanın Berd-Ayqepar avtomobil yolunda içində müqavilə ilə xidmət edən hərbçlərin olduğu iki maşın toqquşub. "Yeniavaz.com"un nevs.am-a istinadən verdiyi məlumata görə, toqquşma nəticəsində iki nəfər hərbçi yaralanıb. Hazırda hər iki hərbi qulluqçu hospitaldadır və onların vəziyyəti orta-ağır hesab edilir. Baş verən hadisə ilə bağlı Ermənistan hərbi prokurorluğu tərəfindən araşdırma aparılır. Hələlik qəzaya səbəb kimi sürücülərin məsuliyyətsizliyi göstərilir. Hərbi prokurorluq tərəfindən hadisə ilə bağlı cinayət işi açılıb.