Mingəçevir şəhərininİ. Qayıbov, H. Əliyev, H. Aslanov, D. Əliyeva küçələrində yerləşən binaların sakinləri mənzillərinə istilik verilməməsi ilə bağlı "Yeniavaz.com" saytına şikayət etmişdilər. Bildirmişdilər ki, sonuncu dəfə binalarına istilik 1990-cı ildə verilib. Onlar istilik verilişinin bərpa olunmasını xahiş etmişdilər. Məsələ ilə bağlı Mingəçevir İstilik Sistemləri İstismar sahəsinin rəisi Firdovsi Mahmudov "Yeniavaz.com" saytına açıqlama verib. Onun sözlərinə görə, Mingəçevirdə hazırda 6 qazanxana işlək vəziyyətdədir: "Həmin qazanxanalardan 5-i müasir tipli, biri isə köhnə tipli qazanxanadır".
F. Mahmudov qeyd edib ki, Mingəçevirdə istilik sistemlərinin qurulması 2014-2018-ci illər üzrə Dövlət Proqramına daxil edilib: "Vəsait ayrılan kimi Mingəçevirdə daha 16 qazanxana qurulacaq. İşlər reallaşandan sonra adıçəkilən binalara da istilik veriləcək".
Esmira Hidayətova