Yaponiyanın “İokoqama” klubunun forvardı Kadzuesi Miura rəsmi matçda iştirak etmiş tarixin ən yaşlı futbolçusu olub. “Yeniavaz.com”un “Lenta.ru” saytına istinadən verdiyi məlumata görə, bu barədə FIFA-nın saytı xəbər verir. K. Miura Yaponiyanın ikinci liqasının matçında 50 və 7 gün yaşında oynayıb. Əvvəlki rekord 50 və 5 gün yaşında meydançaya çıxmış ingiltrəli Stenli Metyuza məxsus olub. Onun rekordu yarım əsrdən çox davam edib. K. Miura peşəkar karyerasına 1986-cı ildə başlayıb. 4 il ərzində Braziliyanın “Santos”, “Palmeyras” və “Koritibı” komandalarında, 1994-1995-ci illərdə isə İtaliyanın “Cenoa” klubunda top qovub. 2005-ci ildən “İokoqama”da çıxış edir. Forvard 231 matçda 24 qol vurub. K. Miura 1990-2000-ci illərdə Yaponiya millisində oynayıb. Millidə 89 oyunda 55 dəfə fərqlənib.
Tətbiqimizi yükləyə bilərsiniz
