Futbol üzrə Qətər milli komandasının martın 9-da Azərbaycan yığması ilə keçirəcəyi yoldaşlıq görüşü üçün heyəti açıqlanıb. Qətər Futbol Assosiasiyasının rəsmi saytının məlumatına görə, baş məşqçi Xorxe Fossati hazırlıq prosesinə 28 futbolçu cəlb edib. Onlardan cəmi 2-si legionerdir. Bununla belə, heyətdə milliləşdirilmiş futbolçulara da rast gəlmək mümkündür. Qətər yığmasının heyəti: Həsən əl-Haydos, Səəd əl-Şib, İbrahim Məcid, Pedro Migel, Həmid İsmayıl, Əli Əsəd, Məhəmməd Kasola, Kərim Budiaf, Əhməd Yasir, Asim Madibo, Məhəmməd Musa, Luis Martin, Əli Afif, Moiz Əli, Musab əl-Kader, Əhməd Əlaa, Sebastyan Soriya, Rodriqo Tabata, Ömər Barri, Meşal Abdulla, Əhməd Abdul Maqsud, Yasir Abu Bəkr, Abu Bəkr əl-Xəlifə, Mehdi Əli, Yusif Həsən, Bualem Xuxi, Əkrəm Afif ("Sportinq" Xixon, İspaniya), Fəhəd əl-Abdurrahman ("Eypen", Belçika).
Tətbiqimizi yükləyə bilərsiniz
