Gənclər və İdman Nazirliyi Azərbaycanın İslam Həmrəyliyi oyunlarında iştirak etmək üçün Küveytin maliyyə xərclərini öz üzərinə götürməsi ilə bağlı yayılan xəbərlərə yadınlıq gətirib.
"Yeniavaz.com" xəbər verir ki, nazirliyin mətbuat xidmətinin rəhbəri Səmayə Məmmədova sosial şəbəkədəki səhifəsində bildirib ki, bəzi media orqanlarında yayılan xəbər yanlışdır.
“Küveyt istəsə belə, oyunlarda iştirak edə bilməz! Çünki, Küveyt Beynəlxalq Olimpiya Komitəsi (BOK) tərəfindən beynəlxalq yarışlardan iştirakdan uzaqlaşdırılıb. Azərbaycan Milli Olimpiya Komitəsi, İdman qurumları idman tədbirlərini BOK-nin tələbləri çərçivəsində həyata keçirdiyi üçün Küveytin Azərbaycana gəlməsi mümkün deyil”.
Qeyd edək ki, Bakıda keçiriləcək dördüncü İslam Həmrəylik Oyunlarında iştirak etmək üçün 53 ölkə rəsmi qeydiyyatdan keçib.
Tətbiqimizi yükləyə bilərsiniz
