Əfqanıstanda İŞİD-in hücumu nəticəsində 17 hərbçi ölüb

Əfqanıstanda İŞİD terror qruplaşmasının silahlılarının hücumu nəticəsində 17 hərbçi ölüb. RİA Novosti agentliyinin xəbərinə görə, insident Nanqarxar əyalətində baş verib. Bir neçə saat davam edən döyüşdə Əfqanıstan Silahlı Qüvvələrinin 17 hərbçisi ölüb. Silahlıların 21 nəfər itki verdiyi bildirilir. Qeyd edək ki, son bir neçə ay ərzində Əfqanıstanda vəziyyət gərginləşib. "Taliban" və İŞİD silahlılarının fəallığı daha da artıb.Apa