Fevralın 15-16-də Brüsseldə keçiriləcək NATO müdafiə nazirlərinin görüşündə Rusiya ilə bağlı hər hansı məsələ müzakirə edilməyəcək. "Yeniavaz.com"un RİA Novosti-yə istinadən verdiyi məlumata görə, bu barədə mətbuata açıqlamasında NATO Baş katibi Yens Stoltenberq deyib: "Toplantının gündəmində Rusiya ilə bağlı hər hansı müzakirələrin aparılması gözlənilmir. Ancaq NATO-da həmişə Rusiya ilə dialoq barədə fikirlər səslənir. Biz daim bu məsələni diqqət mərkəzində saxlamalı, ona ikitərəfli yanaşmağı bacarmalıyıq".
Qeyd edək ki, ABŞ-ın yeni müdafiə naziri Ceyms Mettisin də iştirak edəcəyi toplantıda prezident Donald Tramp administrasiyası ilə NATO arasındakı münasibətlərin yüksək səviyyədə inkişaf etdirilməsi məsələsinin əsas müzakirə hədəflərindən biri olacağı gözlənilir.
Tətbiqimizi yükləyə bilərsiniz
