“Ziya müəllim işdədir” - Namiq Həsənov

"Ziya Məmmədov hazırda işdədir”.

Yeniavaz.com xəbər verir ki, bu sözləri BakiPost.az-a açıqlamasında keçmiş Nəqliyyat Nazirliyinin mətbuat katibliyinin rəisi Namiq Həsənov deyib.

O bildirib ki, sərəncamda göstərildiyi kimi 2 ay uyğunlaşma olacaq: "İndidən mən konkret nə isə deyə bilmərəm. Yeni nazirliyin yaradılmasını mətbuatdan oxumuşam. Ziya müəllim bu gün işdə olub. Hazırda da işdədir.

Ümumiyyətlə, cənab prezidentin sərəncamını şərh etmək mənim səlahiyyətimə aid məsələ deyil”.

Qeyd edək ki, Prezidenti İlham Əliyevin Nəqliyyat, Rabitə və Yüksək Texnologiyalar Nazirliyinin yaradılması haqqında imzaladığı sərəncamla Azərbaycanda 2 nazirlik birləşdirilib.

Sərəncama uyğun olaraq Ramin Namiq oğlu Quluzadə Azərbaycan Respublikasının nəqliyyat, rabitə və yüksək texnologiyalar naziri təyin edilib.