Azərbaycanlının toydan çəkdiyi bu foto dünyanın ən yaxşısı oldu

Əslən Dərbənddən olan azərbaycanlı Kamran Şirəliyev Beynəlxalq Toy Mərasimləri Fotoqrafları təşkilatının keçirdiyi müsabiqənin qalibi olub.

“Dərbənd” qəzetinin redaktoru Telman Tahirlinin verdiyi məlumata görə, təşkilatın ABŞ-da yerləşən qərargahında ekspertlər 2016-cı ilin ən yaxşı fotosu kimi Kamranın çəkdiyi fotonu seçiblər.

Kamran Şirəliyev Dağıstan Dövlət Universitetin məzunudur. O, neçə vaxtdır təkcə Rusiyada yox, İsrail, Türkiyə və bir sıra Avropa ölkələrində toy mərasimlərini lentə alır.lent.az