Moldova prezidenti İqor Dodon qondarma Dnestryanı Respublikasına ölkənin ərazi bütövlüyü çərçivəsində xüsusi status verməyə hazır olduğunu bəyan edib. "Yeniavaz.com"un TASS agentliyinə istinadən verdiyi məlumata görə, Dodon ATƏT-in fəaliyyətdə olan sədri, Avstriyanın Xarici işlər naziri Sebastyan Kurtsla görüşündə deyib ki, Dnestryanı problemini sülh yolu ilə həll etməyə hazırdır: "Dnestryanı münaqişəsi bölgənin Moldovaya inteqrasiyası və ərazi bütövlüyü çərçivəsində həllini tapmalıdır. Bunun üçün Moldova Dnestryanıya xüsusi idarəetmə statusu verməyə hazırdır".
Öz növbəsində Kurts da ATƏT-in münaqişənin həllli ilə bağlı səylərini artıracağını vəd edib. O qeyd edib ki, Avropa Birliyi də Dnestryanı probleminin Moldovanın ərazi bütövlüyü çərçivəsində həllini dəstəkləyir.
Tətbiqimizi yükləyə bilərsiniz
